والله ما فى حاجه

منيش محتاجه انا لحاجه ولا عايزخلاص حاجة

ولو طمعانه انا فى حاجه مخاتوليش

ولاحاجة

......................

عموماً بصوا فيه حاجه

هقولها بس محتاجه

عقول تفهم ولو حاجه

مهيش مفهومه أو حاجه

نفسرها بكام حاجه

نوضحها بكام حاجه

وهي حاجه مع حاجه

هتظهر وتبان لناحاجه

...........................

وأنا ما بخافش من حاجه

ماناش مسنودولا حاجة

لكن مبخفش من حاجه

واساسا مش هقول حاجه

لكن فرضاً لو هقول حاجه

هيحصل أيه .. ولاحاجه

هيعملوا أيه .. ولا حاجه



وبعد الشر بعد الشر

لو واحد من القاعدين

من السامعين.. من الضالين..

فهم حاجه

هيعملوا أيه

أكيدولا حاجه

هنتوكل على الستار

لوجه الله نقول حاجه



فيه ناس بتعيش على شان حاجه.....

وفيه ناس بتموت على شان حاجه......

وناس بتموت على الحاجه

وناس تديلك الحاجه

وهى ليها محتاجه

وناس تديلك الحاجه

وتأخذ قدامها ميت حاجه



وناس تكبر تكون حاجه

وناس تصغر عشان حاجة

وناس منظر ومش حاجه

وناس تحلم بحلم بسيط وتصحى متلقيش حاجه

وناس تنهب فى خلق الله ولا حدش يقول حاجه

وتلقى كبير حرس ونفير

عليه منظر وهو جبان وشيخ منصر



ولا يبانش عليه حاجه



كلامى يا خلق فيه حاجه

لا حد دلوقتى فيه حاجه

كلام عادي وبسيط جداً

ولا فيهشى ولا حاجه

منا مقدرش أقول حاجه

صحيح نفسي أقول حاجه.. وميت حاجه

لكن مش قادره أقول حاجه

لأني لو هقول حاجه

هيجي ناس بتوع حاجه

ويأخذوني على الحاجه

ويمكن اروح وراء الحاجه

وهو لو سمع حاجه

هيعملوها لي ميت حاجه



عموماً بصوا لو واحد من القاعدين عايزنى أبلغه بحاجه

يقول ما يخافش من حاجه

نعم فيه أيه ...؟

لا لا لا..لافى سرقه ولا تهليب ولا تخريب ولاحاجه





وبتقول أيه...؟

وظايف ايه وتشتم ايه ولخبتو ايه وحامى ايه حرامى ايه وخصخصو ايه وخلصو ايه





شفافيه مافيش حاجه





وبتقول أيه ...؟

وافلس ايه قضيه ايه

خلاص خلصت مفيش حاجه

وبتقول ايه؟

لا لا لا عيب...

لا فيه ترئيس ولاتتدليس ولا تدبيس ولا تهيس ولا حاجه

سماع مع هوس ...........

أنا حاسه أن فيه حاجه

دقيقة سكوت...

لا تبقى حداد...

أنا حاسه أن فيه حاجه

زمنكم يا خلق فيه حاجه

ولازمه كام وميت حاجه...

ده لوكان يعني في حاجه



أنا عن نفسي مش حاسه ولا بحاجه

ولا متضايقه ولا حاجه



سعادتك بردو مش زيي مافيش حاجه

أهوبيقول مافيش حاجه

سعادتك بردو مش زيو مفيش حاجه



أهوبقول ما فيش حاجه



ما أنا قلت لكم من الأول ما فيش حاجه

عليا النعمة يا أخواناما فيش حاجه

ورحمة أبوي ويا أبوك على اللي جابوك ما فيه حاجه

وعهد الله ..وعهد الله .. وعهد الله



ما خلو لنا ولا حاجه

وبقولك أيه ..!!

خلاص خلص مافيش حاجه..!

شووووووووووووو الحكايه اكيد مفيش حاجه
هههههههههههههههه